كل يوم بتسأل ابنك نفس الاسئلة: “ذاكرت النهارده؟ حليت الواجب؟”، وغالبًا بتسمع نفس الإجابات “آه تمام، خلصت مذاكرة”. بس مبتبقاش عارف هو ذاكر زي ما بيقول فعلا ولا لأ؟ طب لو ذاكر، فهم اللي ذاكره كويس؟ دايماً في قلق داخلي، بيحسسك انك مش عارف كل حاجة.
بس دي مش مشكلتك لوحدك، دي كانت مشكلة أكتر من 000,001 أم وأب، واتحلت مع الأضواء ديجيتال.
الأضواء ديجيتال بيوفرلك تقرير شهري مفصل عن ابنك: بيعرفك هو خلص قد إيه من الدروس، حلّ كام اختبار، حضر كام حصة، وهل بيعمل الواجبات المطلوبة في الوقت ولا لأ.
.وكمان بيبقى معاه مشرف مخصص لكل مادة، بيتابعه وبيقدمله الدعم المستمر كل أسبوع علشان تضمن إنه فاهم ومستوعب كل حاجة
1. التقرير الشهري المُفصل ليك كولي أمر
كل شهر بيوصلك تقرير شامل يعرفك ابنك مستواه ايه وبيتطور إزاي في كل مادة. وبالتالي هتعرف جوانب القوة والجوانب اللي محتاجة تحسين.
:التقرير بيشمل
المعلومات الأساسية: السنة الدراسية، المواد المشترك فيها، وعدد الحصص في الترم.
التفاعل والمشاركة: هتعرف عدد الحصص اللي حضرها، عدد الاختبارات اللي خلصها ودرجاته.
الواجبات: نسبة الواجبات اللي خلصها، وتفاعله مع المدرس خلال الحصص.
ولو عندك أي سؤال في التقرير:
تقدر تسأل مشرف المادة. وهو كمان بيتواصل معاك بصورة دورية.
2. مشرف المادة: المرشد الشخصي لابنك
مشرف المادة دوره يوفر لابنك خطة متابعة ودعم مستمر طول فترة الدراسة.
قبل الحصة:
قبل الحصة بثلاث أيام مشرف المادة بيبعت تذكير لابنك علشان يذاكر دروس الشرح ويحل الاختبارات المطلوبة. وده بيساعده يدخل الحصة وهو جاهز.
وكمان بعد المذاكرة، المشرف بيطلب منه يبعت أي أسئلة عايز المدرس يجاوب عليها في الحصة.
يوم الحصة:
يوم الحصة الصبح، المشرف بيبعت تذكير بموعدها والمعلومات اللي هتساعده، بحيث يكون جاهزلها ومركز.
بعد الحصة:
بعد ما الحصة تخلص، الواجب بيتبعتله، كنوع من المراجعة علشان يطبق اللي اتعلمه.
وفي اليوم التاني، المشرف بيشجعه إنه يذاكر لمدة ساعتين ويبعت أي اسئلة واقفة معاه.
نهاية الأسبوع:
كل أسبوع، بيتم اختيار “أشطر طالب” اللي كان أداؤه ممتاز، وده بيشجع الطلاب على الالتزام ويخليهم يحسوا بالتقدير.
إزاي تعمل حساب ولي الأمر على الأضواء علشان تستفيد بالأدوات دي؟
1- حمل تطبيق الأضواء ديجيتال
التطبيق متاح على كل متاجر التطبيقات Google Play – App Store – App Gallery.
2- افتح التطبيق وسجل بياناتك
بمجرد فتح التطبيق، اختار “سجل حساب جديد”. ودخل رقم موبايلك.
3- اختار نوع الحساب كـ “ولي أمر”
اختار نوع الحساب “ولي الأمر” لمتابعة أداء أولادك.
4- أضف اسمك وكلمة المرور
كمل بيانات حسابك من خلال إضافة الاسم وكلمة المرور.
5- أضف بيانات أولادك
بعد ما تخلص تسجيل حسابك، هتقدر تضيف بيانات أولادك علشان تتابعهم بسهولة. البيانات دي زي نوع المدرسة والسنة الدراسية علشان نوفرلهم محتوى مخصص.
6- ابدأ المتابعة اللحظية
بمجرد ما حسابك يكون جاهز، هتقدر تفتح كل التقارير اللي بيقدمها التطبيق وتتابع أداء أولادك في كل المواد.
تطبيق الأضواء ديجيتال بيجمع بين المتابعة من الأهالي والدعم الكامل للطالب. من خلال التقارير الشهرية ومشرف المادة، هتقدر تتطمن على ابنك وتشوفه بيتقدم ويتطور. ومش هتحس إن في حاجة ناقصة، بالعكس، هتكون متابعه وشايف الصورة كاملة، لحظة بلحظة.
