المواد العلمية تعتبر من أكتر المواد اللي بتخوف الطلبة وبتخليهم يحسّوا إنهم مش قادرين يذاكروها ويلموها زي المواد التانية. وكتير من الطلاب بيفكروا إنهم ضعاف في المواد دي، لكن الحقيقة إن المشكلة مش بتكون في قدراتهم، المشكلة بتكون في طريقة المذاكرة الغلط. 

في المقال ده، بنقولك على 8 أسرار هتساعدك تتغلب على صعوبة المواد العلمية زي الرياضيات والفيزياء وتذاكرها بكل سهولة وثقة.

حدد أهدافك وابدأ بتجزئة المادة

:الأهداف هي اللي بتساعدك تحدد الطريق

.قبل ما تبدأ مذاكرة، حدد الهدف. هل هدفك إنك تفهم درس معين؟ ولا عايز تلم المنهج قبل الامتحان اللي جاي؟ لما تحدد هدفك هيكون عندك دافع قوي يخليك تستمر في المذاكرة من غير زهق

:التجزئة مفتاح الفهم

من أكتر المشاكل اللي بتواجه الطلاب لما يبدأوا مذاكرة إنهم ببيتصدموا من كمية المعلومات اللي محتاجين يذاكروها. وعلشان تتجنب المشكلة دي، حاول تقسم المادة لأجزاء صغيرة، وذاكر كل جزء لوحده. .مثلاً، لو بتذاكر رياضيات، ابدأ بدرس وماتنتقلش .للدرس اللي بعده غير لما تكون فهمته كويس واتدربت عليه. التقسيم ده بيسهل الاستيعاب وبيقلل الضغط

افهم الأساسيات كويس قبل ما تدخل في التفاصيل

الأساسيات أولًا:

كل مادة علمية ليها أساسيات لازم تكون فاهمها كويس علشان تقدر تحل المسائل المعقدة. في الرياضيات، مثلًا، لازم تفهم قواعد العمليات الحسابية وطرق التفكير المنطقي في حل المسائل. أما في الفيزياء، فمهم جدًا تكون فاهم القوانين ومعناها، متحاولش تحفظها بس.

تطبيق عملي:

حاول تطبّق اللي بتذاكره أول بأول، يعني حل مسائل بسيطة على كل جزء تذاكره. وده هيساعدك تبني قاعدة قوية تقدر تعتمد عليها لما تدخل في المسائل الأصعب.

استخدم طرق المذاكرة اللي تناسب طريقة تفكيرك

استراتيجية الأسئلة والأجوبة:

كل ما تذاكر جزء اسأل نفسك في اللي ذاكرته. الطريقة دي مفيدة جدًا في الرياضيات، لإنها بتخليك تفهم القوانين وخطوات الحل بدل ما تحفظهم.

خرائط العقل وطرق تبسيط المعلومات:

في الفيزياء، استخدم خرائط العقل علشان ترتب القوانين وتربطهم ببعض. ممكن كمان تربط المفاهيم الصعبة بحاجة معينة في حياتك، أو تخترعلها أغنية مثلًا. كل ده بيساعدك تبسط المعلومة وتفتكرها بسهولة.

خد وقتك في حل المسائل وحاول تبسطها

افهم الخطوات واحدة واحدة:

ماتستعجلش في الحل أول ما تشوف السؤال، حاول تمشي خطوة خطوة وتفهم كل خطوة كويس قبل ما تنتقل للي بعدها. مثلاً، لو بتحل معادلة، ابدأ بحل العمليات اللي داخل الأقواس الأول وبعدها انتقل للضرب والقسمة وهكذا.

حِل مسائل بسيطة الأول:

ساعات بتفكر انك لما تبدأ بحل المسائل الصعبة هتفهم الدرس أحسن وتذاكره أسرع، ولكن بالعكس ده بيضيع وقتك وبيصعبه عليك أكتر.

حل الأول المسائل السهلة علشان تتدرج في المستوى، وده هيحسسك بالثقة لما تتنقل لمستوى أصعب.

الاستعانة بالفيديوهات التعليمية والمصادر التفاعلية

غيّر طريقة مذاكرتك:

الفيديوهات التعليمية بتساعدك تفهم المادة بطريقة مختلفة عن الكتاب. كتير من المدرسين على الإنترنت بيستخدموا أساليب مبسطة في شرح الرياضيات والفيزياء، وده بيخليك تتقبل المعلومة بشكل أفضل.

استخدم تطبيق الأضواء ديجيتال:

الأضواء ديجيتال بيقدملك شرح تفاعلي واختبارات بإجاباتها. وتقدر كمان تستفيد من حصص المراجعة اللايف وتسأل المدرس ويجاوبك فورًا.

حافظ على الاستمرارية وذاكر كل يوم شوية

المذاكرة اليومية أفضل من التراكم:

بدل ما تذاكر كميات كبيرة مرة واحدة، ذاكر شوية شوية كل يوم. ده هيخليك دايمًا متابع المادة، وهتلاقي نفسك فاهم كل الدروس من غير ما تحس بتعب.

راجع بانتظام:

المراجعة الدورية بتخليك تحافظ على المعلومة وتثبتها في دماغك. حاول تراجع الدروس اللي ذاكرتها كل أسبوع بشكل مختصر. وماتستناش لقبل الإمتحانات.

حلّ اختبارات كتير واستفيد من أخطائك

حلّ الاختبارات التدريبية:

المعلومات مش هتثبت معاك غير بحل الاسئلة، واللي هتساعدك تعرف مستواك وتاخد فكرة عن طبيعة الأسئلة في الامتحان. 

استفيد من أخطاءك:

لو فيه مسائل غلطت فيها، حاول تفهم كان فين الخطأ وراجع على الجزء ده تاني. الأخطاء دي بتساعدك تفهم أكتر وبتجنبك الوقوع فيها في الامتحانات.

ماتتكسفش تطلب المساعدة لو محتاجها

استعين بزملائك أو مدرسينك:

.في بعض الأحيان بتحتاج تسمع شرح تاني من زميلك أو من المدرس. متترددش إنك تطلب المساعدة منهم

جرب المذاكرة مع صحابك:

.ذاكر مع صحابك اللي عندهم نفس الاهتمام، وشاركوا الحلول مع بعض. وممكن تشرح لصاحبك مادة انت فاهمها كويس مقابل انه يشرحلك المادة اللي بتواجه صعوبة فيها. المذاكرة الجماعية بتشجعك وبتحسسك إنك مش لوحدك

خاتمة

.عليك كل مادة وليها طريقة مذاكرتها اللي بتخليك تفهمها كويس وتنجح فيها بتفوق. ومع الالتزام بالنصائح اللي اتكلمنا عليها، مفيش أي مادة هتكون صعبة

.المهم إنك ما تستسلمش وتحاول دايمًا تحسن من طريقة مذاكرتك. ومع كل خطوة بتخطيها، هتقرب أكتر من النجاح

www.aladwaa.com 👈🏻 لوعايز تعرف أكتر عن الأضواء ديجيتال، زور موقعنا الإلكتروني

.ولو استفدت من المقال ده شاركه مع أصحابك، وماتنساش تقولنا النصائح اللي طبقتها ونفعت معاك